رنة الهاتف قصيدة ويوتوب

عنوان القصيدة: رنة الهاتف
بمناسبة مرور19 عام علي تأسيس الجبهة الديمقراطية الاحوازية
رن هاتفي رنــّة فرح و الرنــّة مو عادیـّة
حســـّیت برّنة خبر والخبرماهو شــویة
افتحت الموبیل وتکلمت وصّوت ماعرفیتها
عرّفلی شخصه والمهم , ابن البلد حیـّـتها
گلّـی یخویة بلحفل یاریتچ اتحضرینه
کلها اخوتچ بلحفل وانریدچ اتشارکینه
عدنه احتفال بل هارنوساند,نجتمع کل احنا اهناک
بصفوفنا وبین الأهل ویــّه الجمع نتمناک
مدعیه خویه بهل حفل وتشارکینه ابأشعار
وانتی اختنا ومن بلد احوازنا ومن هل دار
***
گتله تحیاتی یخیی والدعوه عل عین والراس
وبلروح اضحــّی للوطن موبس شعر لواحساس
کل احنا نحمی هل وطن, حتی شبر لاینجاس
وبعون الله نطرد لمعتدی,ونگطع ایدین الارجاس
بس احب اعرف ای لمن هذه الحفل وهای الناس
***
جاوبنی یا اُختی نعم , صح السؤال بمکانه
وتدرین اسنین الوطن ویعانی من اعدانه
وتدرین حب هذه الوطن یسری بجمیع اعضانه
وتدرین اخوتچ بلإسر, اگلوبها ویـّانه
وحتی الشهید اتعلگت جثتها بسبب عزة الوطن من گطعوا شریانه
لهذه یااختی اتشکلت جبهة وتدیرها اخوانه
وهذه اخونا الخانچی الطیب اصل اهنانه
وصار العمرتاسع عشر من الجبهة یاخلانه
وحنا نحیی للقصد والـّی اعتنانه وجانه
اسیوف انظِل ابوجه العدو اللی بسقم خلانه
***
حیاک یا ابن الوطن, للــــــــوطن مثلک ینراد
الوطن لو منـّا انسرق مایرجع ابسرعه وعاد
والعودة تطلب نخوتک والنخوة عند الامجاد
والمجد عند ذاک الاخو والاخو ابزورماینگاد
الاخوة تطلب الفکر ووحدة گلب شان تزداد
الخوة تطلب غیرتک والغیرة بلدم تنشد
الغیرة مو نهوة عمام لو بلتعصـّب تنعد
الغیرة بس لجل الوطن وبس الوطن یتمجـّد
ونبارک الهذه الحفل وایام تبقی اسعد
ونتمنا لاعیاد التجی بأرض الوطن تتجسد
بنت الفلاحية
17-01-2009

حــــــــب الوطــــــــــن

هلــــــــــــة يا عيــــــــــــــد

عنوان القصيدة:هلا يا عيد
-بمناسبة عيد الفطر الامبارك
في مدينة سانسفال في سويد- الجالية الاحوازية
_______________________________-
هلا يا عيد يا ذكري الاهل و المجد و اهل الزود
هلا يا عيد يا طعم العروبة اهل الكرم و الجود
جيتك ذكرتني ابجلسة الديوان
وايام السعادة وضحكة الخلان
,............وتجي يا عيد
ونبارك قدومك و العشق ع الناس يتناثر
كلها و بلفرح تتلاقه,تتصافح
اخوان وبلمجد و الخير يتكاثر
يـ..........ـا ماحلاها لمتهم
الله الناس المعيدين
بدشاديش و عكل و كفافي مجتمعين
واهل الشعر يوم العيد
تنشرلك شعر تقرالك قصيدة
والبيرق تهزه ارجال,
بيرق كل شي من هذا الشعب بيده
والنسوان
والنسوان تزهي و العطور اتفوح
نجوم وبالليالي السهر كآنها اتلوح
والاطفال
والاطفال كلها مجدده الملبوس
تطلع ويه الاهل و قلوب فرحانه
اجيوب امترسه من العيد
والعيدية بالايدين مليانه
وصواني العيد
تشوف امشكله ابجاكليت
والماي الورد بمرشه و القهوه
وزعفران و كليجه و عيش نارين
الامصطر
ايـ..........ـــــه يا عيـ...ــد
قبل نتهياء الجيتك
بسرور وفرح نحسب لك الايام
وبهمه نزين البيت
نشعلك فوانيص و شموع الدار
وبشفايف اطفالنا تتردد الانغام
..........
لكن الاسف يا عيد
لكن الاسف ياعيد,صار اسنين مامن عيد ببلادي
ايـ..ــه يا عيد
مامن فرح عند الناس بس طورالحزن سادي
شواهين الوطن باقفاص مسجونه
شواهين الوطن باقفاص مسجونه
عليها الذيب يتحكم
ولا بلبل يغرد تسمع ابلحنه
باقي من الوجع و الاه يتالم
والآشجار حزنت و الورق صوفر وصب دمعة
على اطيور الي كانت مالية الاغصان
وهسه صادها الغدار ومطعونه ابسهم رمحه
وازهار الربيع اتذوبلت
من يوم بلبلها خذوه ومادرت وينه
بعد مايغرد الها بالفرح و سرور
لئن العيد راح و فارق اسنينة
ايـ.................ــــــــــه
يا عيد
ايه ياعيد رد ورجع
ولا بجيتك تآلم جروحي الثكلي
ولاتذكرنه بالماضي
وصطوع اشموسنا الكحلي
رد يا عيد
نعم رد يا عيد
خلينه بحزنه و القلب مهموم
مانفرح ولا نعيـــــــــــد
مانفرح ولا انعيد
لما العلم بيرقنا ابشوارعنا يضل يحوم
لمــا العلـــــم بيـــــــرقنـــا ابشــــــــــوارعنـــا
يــــــــــضل ايــحـــــــــــــــــــــوم..............


والسلام عليكم
2007-10-28

جمـــــع الشمــــــــــــل

بمناسبة تشكيل الجالية الاحوازيةفي سويد

جمع الشمل

اجه طير السعد بشرني ابشاره
سمعتي عن صداء الاهواز,
اوهب الهواء ابسندسوال
سمعتي ابنخوة اخوانچ تحب اتعـّدل الأحوال
تحب اتلم شمل هلناس وگول البعد لو طال،
یطعن الدلیل ابفرگتة الاحباب
وفراگ الملک هل بال
ملک بالی وملک حالی و ملک دنیای وآمالی
صرت شمعة فرح بعیونه الغالی
وطنا وغالی اعلینه و چذب ننساه!
ننساه الوطن؟ من گال!!
اذا ابدمـّی احسنّه واذا مثل الهواء الفواّح اشمنـّه
واذا نیرانه الی جنـّه
واذا بچفوفنه اتراب الوطن حنــّه
واذا لجله فراسخ زحف اتعنــّه
اشلون انساه
وبس باسمه الشعر یحله
اوباسم الوطن اتغنــّه
****
وطنـّـه یاابو اللوعات
وطنه یا ابو الکلفات
ابوطنه سرقوا الکحله من عیون السلف و عیون الاحدیثات
وطنه النشفومایه ونشف دمع الیتیم الیبچی ابلوعات
الوطنه ومن اجل اترابه الغالی، شعبنا الثار بلساحات
الوطنه اتلولحت شبــّانه و ام الشهید الهلهلت واهیه التجر شوغات
اشلون انساه!!
هذه اهوه الوطن یاناس
بشریان الدمه انهجســّه
اویه دگـّات الگلب حسه
نفس بلریّـه نتنفسه
وکحل لعیونــّه انحسّه
ومن دون الوطن یاناس
لااسم و رسم عدنه
ولا سمعه و لاعنوان
لاعدنه هویه و ننعرف للناس
ونظل مثل الامضیع دُر وبطن الصدف و ابحر امرکسه
ای یاجارتی اسمعتی علیمن نخوة اخوانچ؟
رادو اجروحه لمخزنها ابأیدیهم ایعالجوه ویطیبو نفسه
***
هله بیکم اخوتی الشریفیتونه
هله بجدامکم الغالی واجیتو، الوطن انکحل اعیونه
اجیتوا انزف عله کارون کرختنا الشریفه وحلوه مزیونه
اجیتو انشکل الزینه ابنخلنه ، الدوم اله صامد
وبصموده الشهید الحق یوصفونه
اجیتوا ومن الفرح تتراگص السعفات
وبجیت الاحبه ینسه اونینه
اجیتو انوج شمع وبخور ونعلگها ابصوانینه
اجیتو انطش ورد یاسمین والدنیه تهنینه
اجیتوكلنا نصافح ابگلب واحد و خل الدنیه تدرینه
اجیتوانجدد المیعاد ابوحدتنا وعلی رغم العدو یتمنّه یمحینه
اجیتو وفرحیتو اهل الشهید الفاگد ابنینه
اجیتو وسلهم اجفونه الشهید المعرکه امن اسنین
ومانسدت جفن عینه
اجیتو و بمجیئکم ، حس ابوه الرد،
ابن ذاك الشهيد الماعرف جثمان ابوه وينه
اجيتووالوطن فرحان من شاف النسه و ارجال
تحت واحد سقف جالسين
بعد ذاك الفراق الطالت اسنینه
ونقلکم ابعلوو الصوت یعزازی وینورالعین
نریدکم دوم متوحدین ولا تقبلو العدو یفردنه و یحبسنه
ومن تالی ابغصب یغصب اراضینه
لا تخلو العدو یفرح ، بطشـّتکم
تره چف الیظل اوحید
ابسرعه اللتوه ایمینه
نظل امشابگین الگلب و الایمان
واشحـّده بعد هل مرّه یلوینه
وشحده بعد هل مره یلوینه
2008-09-13,14

مرالعيــــــد يا منصور

الی الشهید منصور الاهوازی

مرعید الفطـــر منصور

مرنا العيد و انتَ بعيد
يارمز المجد يا حيد
وماتدري ابد بلحال
يا منصور
منبعدك حزینه الدنيه ابعين التحبك,
و نقطعت الامال
انته الامل يا منصوروانته المحب يامنصور

وانته الوفي يامنصور

فكيف ننساك اذا ذکراک بلخاطر تجی علي البال
وجودك قوة لگلوب الاهوازين
اسمك هيبة وتتمجد بجودك
كلها لمحبین

نعم يا حيد
اول عام مر من رحلتك بینا

هذه العيد اجه
وشو انت مارديت
ولا جيت یامناضل حَتی تفرحنا و تعايدنه
ولا دگيت باب اللي تودك دوم
ذوله احنه النحبك و نته اتحبنه
ولا مريت لخوانك وعلی احبابک
الدوم کلها اویاک
مثل حمدي اخیک وبحزن اشعاره اللی يشعرلك

یامنصور
لابد هم تزوره ابكلمه احنينه
لابد هم تجي فد يوم تسئل عل محب وينه
لابد هم فرد ساعه يابو گلب الحنین هم تسئل اعلينه
لكن حيف ""اللابـُد" " ماوراه رجعه
و""لــّو "" لو تنطره اسنين
مايرجع و لا يخضر ابد زرعه
واللي التفقده العين
يبقي بلقلب جمراته وونينه

يبقي بلقلب جمراته وونينه

هلـــة اباهل الشعر

هلـــه

هله اباهل الشعر و الادب و اهل الرای

هله اباهل الصوارم لو نخه النخاي

هله اباهلي الترد كل عايل امن اعداي

اهل غيره و شهامه وهيبتي و حماي

يدم الجره ابشرياني وروه كل عضو من اعضاي

ياامضيف اليحيي الضيف ويامقصد الكلمن جاي

جبل شامخ هلي الطيبين عالي وكسر حدره افياي

هلي يه امسهله الكلفات واحزام الظهر وياي

اهل ديوان و الموگد المشتعل جمره و واي

واهل الگم گم المهيوب وگهوتنا الدوة الکل الدای

هلي كل العرب أقصد ودوم افخراضل ابهاي

اسم يعرب يضل شامخ حوت و مايغرکه الماي

حوت و مايغرگه الماي

الي امي الفلاحية

انه بنت الفلاحیة
انه بنت الفخر و الجود, بنت الكرخه* و الكارون*,
الدوم اليشطر ابميــّة
انه بنت الفلاحیة
اهیی ابلادی و بلاد الأم, الأعتز دوم بیها
وبمرابعها ونخلها الیکسر ابفیــّة
انه بنت الفلاحیة
انه بت البلد الربوا بیها إحیود
مثل ذوله آلبوشوکة* وسید جابر*
وجمع کعبیــّة*
انه بنت الفلاحیة
مدینة ابن سکــّیت دورقی* ؛
ذاک الذی استشهد لأجل الدین
وضحــّی الروح اهدیـّة
وبن المهزیار الدورقی*؛ صاحب الأمام*
لو ملـّه فاضل* فخر ابلادی
وکل اهالیــّة
انه بنت الفلاحیة
هذولة احنا
یلــّی ینشد اعلینا
هذولة اهلی الأفاعیة
اُهـُم اولاد دورقنه
و فخر تاج المعالی لیهم و لیــّة
هذولة اهلی الأفاعیة
دروح و اقراء التاریخ؛ عن افحول دیرتنا
الطرزولک مجد بخیوط فضیــّة
هذولة اهل الفلاحیة
کثیرة احیود ؛ احفادک یدیرتنا
تربـّت بحضنک الغالی
ورضعت درّک الطاهر
ایا اُمنا ویا نشمیــّة
عمر اتربـّینا ابحضنک؛ درسنا ابمدرسة حبــّک
درس ایمان؛ اِکرام و محبــّه و معرفه
وصدق و الأنسانیة
ایا اُمــّی الفلاحیــّة
اشلون انساک یا طیبه و یا إحبیبه
انتی امنا و ام امنا الحقیقیــّة
دورقنا و یا امنا اللـّی مهظومة
ولا انخلـّیک طول الزمن محنیــّة
وقسملک
وحق اترابک الطاهر
الأتوضی بحضوره المای
وحق دم الشهیدیــّة
نضل نبقی الک وفـّایــة و اتشوفین
ولا نخلــّی ؛ ولا نقبل
ولو رمله من الجراحی* یدنس
لو شبر من گاعچ* اشویــّة
اصیلة وبت مضیف و موقد* و قم قم*
تضلــّین ابمدِة التاریخ
عالی اسمک
ایا بنت العروبیــّة
حقی لو ازامط بیچ* یه بلادی
لإن مجدک عله ابعلوا السماء
ولأفلاک وثریــّة
مثل برفـُسور العالم؛
رشید انصاریان*
اللی سطع ضـــیّة
ومثل شیخ خزعل* وسلمان*
وجمیع اخوتنا الطیبة
عند الموزمه؛ هیــّه التشد احزام
وبمضایفها تحل احقوق جمعیــّة
هذوله اهلی الأفاعیـّة
حقنه لو نرامط بیچ*
ایا امنا الفلاحیة
وبعد عدنه النساء الحازن اخلاق
و فهم وامثال شخصیــّة
منبع للنجابه و معرفه وایمان
وبأخلاص الیخدمن هل شعب
المحروم یومــّیـة
ویضحــّن اهنا بأغلا الروح
ویسعن لجل دیرتهن وتهمهن سمعــة الدیرة
ابثقافتهن؛ ابسیرتهن؛ ابخدمتهن؛ ابغیرتهن وخصایلهن
وطبعهن و کل محاسنهن
ودماهن الیجری بلشریان
یحن و یلفح ابأحنان حنیــّة
یحن و یلفح ابأحنان حنیــّة

روح الشهــــــــــادة

اقدم الی بلدناالام و حبیبتنا الاهواز
والی شهداء الحق و ابطالـُها المعتقلون
والی جمیع المناضلات المعتقلة
ك بطلة تاریخ الاهوازفهیمه

روح الشهادة

احب اصلی و احب اسمی و احب رسمی و عـُروبیتی
احب اهـلی و احب ربعی و احب ارضی و طفـولـیتی

احبّـنهم وحبّـن مِن لِمن حَبهُم وحِب من یطلـب ابحَقــهُم
احب العبقری الشامخ،احب عزمه الـّذی راسخ احبّن اهلی و بیتی

احبّن ذاک ابوالغیــره،احب طبعه و تدبیـره،احبّن ذیچِی السیـــره
سِرَه لجل الشعب دافع،سِرَه ابافکاره النافع،یستاهل اذا برّوح اشریتی

اِنِه روحی لإفدیــها،لجل ارضی اضحّیـها،و بإسم لهــــواز انادیــها
وگلها ارضی یه اُم الخیر،ولدچ اقتلوهم چن ذبیح الطیر،وانتی ابلیل ابچیتی
وگلها ارضی یه ام الخیر،شبابچ قتـّلوهم چن ذبیح الطیر،علیهُم ابلیل انعیتی

ما إبچیتی ابنهار لتسمعچ العدوان ولااقبلتی عله الذله ولا دمعچ نزل چل سیل عل ودیان
ما إنعیتی ابنهار لتسمعچ العدوان ولاخلـّیتی یشمتون ولا حـدّرتی ادموعـچ عله الـودیـان
ولا من إسـّروچ و إسّرو طِـفلچ و بـُگه جوعـان، مایمــکن من الجُوع مـّــره اشــکیـتــی

اَنـَه افخر بیچ یا اختی، العروبتنه فخر صرتی، یمن بعیونـّه ابعلو النجم عِلتی
یمن سجـّل نضالچ باسمه التاریخ،یمن صیتچ تعـد ّه امن العطارُد اوصل المرّیخ وانتی الـّی ابصمودچ ثوره احیتی

دسمعــینه فهیمــتنه الـّی فــهمانه و حگ ذاک الشهیــد المات وگـفه و ذلها عــدوانها
وحگ مطـّوری و ربعه وحگ ذوله المشو تسعه وحگ ذاک البطل ریسان وحگ ابنچ فلاحیتی

نحلف ای وحگ لهــــــواز، کـُتـُب تاریــخ تضــل تمــــتاز، بیـــکـُم یا اعــز لعـــزاز
نظل اعله العهد باقین، ویـّاکم ینور العین، لئن اسم الشهید الحق عدل مامات،

رجـــــــوع الشمــــس

رجوع الشمس

تبقی اصواتکم ماتهون مثل ریـــــسان و اهالیتها
ویبقی الوطن بیـکم دوم عـــالی و نحکی ابصیتها
وهم ترجع شمسنه یوم ویرجع المهاجرویفرح ابیتها
وهم یسطع قمرنه ابلیل والیسرق ارضنا انقصها الحیتها
وهم الــظلم بلأهـــــواز، ینزاح و تـــولــّی کل ملالیتها
وهم تنکسر الأسجان ویحظن السجین ابنینه و ابنیته
وهم ام الشهید اتقول:هلاهل لأبنی الماخیّــبت نیتها
ویطلعلک الأبو فرحان وبهوسه ویفرها ابأیده خاچیتها
ها: ارباة امــــّـک ماضیعیـــــتها
وهم العربی الک فد یوم یلف اعقاله فوق الحمراء کوفیتهـا
وهم شعب الأهوازی یوم یعلق العلم ابقمة اراضیتها
یستاهل وطنه عاد، لو اهدیلها آنه الروح وبدمــّی انا اشریتها
ای یابه
هذوله اهما اهلنا الترقص اعلی السیف ومطلوب الشهادة هیـّه امنیتها
17-08-2008

دوريتـــــــــــــــــــــك

عنوان القصيدة: دوريتك
دوريتك يا حبيبي بكل محلات المدينة و مالقيتك
دوريتك بكل درابين المحلة ومالقيتك
دوريتك بالمساجد والكنايس مالقيتك
دوريتك كل مكان ابهورنه،ابحينه،بسلفنه ومالقيتك
دوريتك بالبحر،بالبر يه حبي وحتي طريت الجبال ومالقيتك
دوريتك بااسمإ ،باقلب النجوم الساطعه وهم مالقيتك
دوريتك حتي اسإلت القمر و الشمس عنك و مالقيتك
دوريتك معي صفصاف الشجر،ابنيسان صفري و مالقيتك
دوريتك حتي بالباحوره،بايام السموم ومالقيتك
دوريتك با شتا،وجلة العجوز ومالقيتك
دوريتك باربيع باوسطة الازهاريه سمرومالقيتك
دوريتك حتي ع لاشجارلابد ويه الطيور الماره وهم مالقيتك
دوريتك يم شموع الذايبه التبكي من اجلك و مالقيتك
دوريتك يم فراشه التحترق اباحب شمع ها ومالقيتك
دوريتك حتي يم اهل الخمر،سكران مجنون علي ليلي و مالقيتك
دوريتك ابكل احاسيس الشعب ،اباحب و هواهم ومالقيتك
دوريتك باشرايين القلب لن لازم ابتوت القلب تعزف لقيتك
شفتك باروحي،باجسمي تجري ابشريان دمي يالهويتك
شفتك ابلبة احشاي، باوسط قلبي باني بيتك
شفتك اباكانون قلبي باجمر ناره تدفي ايديتك
اي يه حبي هاذه قلبي مسكنك و ابقي اباهويتك
تبقي مديوف ويه روحي وشاركتها ابسجيتك
يالملكت الروح وحدك مرحبا و ياهله ابجيتك
وانه باعمري وشبابي وكل حياتي قدميتك
اقبل التحفه حبيبي,انه باروحي فديتك
هاذ اقل شي يا وطنا الي عطيتك
اي يلاهوازيا حبيبي يالله اقبلها هديتك
من بعد 82 عام ياضايع لقيتك
اي
من بعد اثنين وثمانين عام ياحبي لقيتك